Casilda Iturrizar Urquijo. Viuda de Epalza (1818-1900). Una Biografía

Laburpena:

Casilda Iturrizar Urquijo. Viuda de Epalza (1818-1900). Una biografía’ liburua ongile eta filantropo bizkaitarraren bizitzaren kontakizuna da, Bilbao 700 Fundazioak Bilbogileak-Memoria de Bilbao bilduman atera duena.

Casilda de Iturrizar Urquijo (1818-1900) emakume nabarmena izan zen. Hura gogoratzen duten Bilboko leku biak, Epaltzaren alargunaren kalea eta Casilda Iturrizar parkea, horren erakusgarri dira.
Jatorri xumekoa zen eta gizartean gora egitea lortu zuen; horren ondorioz, bere ingurukoen bizimodua hobetzeko kezka izan zuen. Hori dela-eta, eta bere negozioen ardura ahaztu barik, ondasunak gorde eta areagotu zituen. Gero, ondasun horiek behartsuenei edo behartsuen erakundeei utzi zizkien.

Jatorri apalean sortuta, Tomás José de Epalza senarrak utzitako ondasun handia kudeatu zuen XIX. mendearen azken laurdenean eta uriko elite sozial eta ekonomikoan jarri zen. Hil zenean, 1900eko zazpi milioi pezetatik gora utzi zituen testamentuan. Diru hori, sarritan, ongintzako lanetan erabili zen, batez ere gizonezkoen eta emakumezkoen prestakuntza eta aukerak hobetzeko. Helburua ez zen limosna ematea, ezpada ze baliabideak eskaintzea bere inguruan berea bezalako zorterik ez zeukaten pertsonen hazkunde pertsonalerako.

Casilda Iturrizar bere sasoiko emakumea izan zen, oso fededuna, antzerkizalea eta zezenzalea, baina bere ondasuna behartsuenen alde kudeatzeko ardura zeukan.

Testamentuan, onuradunen artean daude Bizkaiko Ume Abandonatuen Etxea, Erruki Etxea, neska umezurtzentzako ezkonsariak, Ospitale Zibila, Mariaren Bihotzaren misiolariak, elizako ikasketak eta ikasketa zibilak egiteko bekak, neska umezurtzak…