2019ko Balearen Desfilea

Perkusioa, dantza eta kaleko animazioa. Bere sorreratik, Troko Bloco taldea Samba-Reggae errepertorio ñabar bat sortu eta hobetzen ari da, oinarritzat harturik taldeko perkusio-joleen eragin musikal ezberdinak eta harmonian jokatuz dantzarekin eta interpretazioarekin.

Zamaketarien konpartsa, jai-giroko elementuz betetako poltsak banatuko dituzte haurrek konfetiz jantzi ahal izan dezaten Balearen pasaera.

Talaia itxuran egindako egitura mugikorra, zeinetan kokatzen den talaiako musikaria. Bere bidean lanbro artean murgilduko du publikoa, egiantza gehiago emateko balearen ehizaren eszenari.

Eszenara irtengo den lehen pertsonaia da. 12 metro luzeko eta 5 metro zabaleko puzgarri handi bat, publikoari ura botatzen diona. Urtean behin bakarrik agertzen da, Aste Nagusiaren barruan Bilbon egiten den desfile berezi honetan hain zuzen.

Broken Brothers taldearen musikak oinarritzat dauka New Orleanseko Brass Band garaikideen kaleko jai-giroko soinua. Funk, Gospel eta Jazz musiken zipriztinekin blaitzen dituzte beren interpretazio indartsuak, taldeko inprobisazioa delarik bandaren ezaugarri nagusia.

Olagarroa 6 metro altuko eta 13 metro zabaleko pertsonaia bat da, bere bidaide balearen ondoan kalerik kale dabilena garroetatik konfetiak jaurtiz.

Lobo Carnassier Carros de Foc konpainiaren produkzio bat da. Otso formako eskultura erraldoi bat da ikuskizunaren protagonista: ekaitz izugarri baten ostean itsas zolatik sortua, jatorri zeltako istorio bat kontatuko du denoi ikusarazteko nola kudeatzen ditugun gure planetan sortzen ditugun hondakinak.

Txangurroa 10 metro luzeko eta 8 metro zabaleko pieza bat da, eta hor ibiliko da desfilean bi lagunek pertxa bidez kontrolatutako bi pintza handi astintzen. Gainerako 8 hankak automatikoki mugitzen dira, animaliaren mugimendu naturala imitatuz.  Ur lanbrotua jaurti dezake nahi duenean.

Tarumba Percusión taldeak ikuskizun eta kalejira dinamiko eta indartsuak eskaintzen ditu. Oinarri erritmikoa konbinatzen dute eszenaratze dibertigarri batekin eta kultura oso desberdinetara garamatzaten koreografia eta kantuekin.

Bisigua, Balearen eta Olagarroaren seme nagusia, 5 metro luzeko eta 2 metro altuko puzgarri bat da, kea dariona ahotik eta arroza brankietatik.

Itsas zola erraldoi baten itxurako paisaia batean itsasoko biztanleen itxurako txotxongilo erraldoi zenbaitek hainbat ekintza egingo dituzte, ikusleak irudimenezko ozeano batean murgilaraziz.

Rolling Vibes Collective bost musikariz osatutako talde bat da: gitarra, baxua, saxoa, tronpeta, bateria eta clown abeslari bat, jaiak dirauen artean publikoarekin elkarreragiten duena.

6 metro zabaleko eta 6,5 metro altuko puzgarri hau bere burua zabalduz eta itxiz doa desfilean barrena, mingain handi bat ezkutatuz barruan eta bidean konfetiak boteaz publikoarekin elkarreragiteko.

Bizitza etengabeko abentura bat da, eta Atlántida ikuskizunak omenaldi bat egin nahi dio berebizikoaren bilaketa nekaezinari. Produkzio honek elkarrekin uztartzen ditu marmoka bat bezain ilauna den pieza bat, arrain abisal bat, itsas suge bat eta goldfish bat, denak ere lagun egiten Nemo kapitainaren aginduetara Bilboraino iritsiko den Nautilus urpekari erraldoiari.