“BALEAREN DESFILEA” FAMILIENTZAKO IKUSKIZUNAREN 18. EDIZIOA

Balearen Desfileak berriro alaituko ditu Bilboko kaleak abuztuaren 19an (igandea). Egun horretan berriro agertuko dira publiko leialaren aurrera urtean behin Aste Nagusiaz jabetzen diren pertsonaia ezagunak: Balea, Olagarroa, Txangurroa eta Bisigua.

Aurten pertsonaia berri bat gehitu zaio familiari: Txirla. Molusku horrekin batera, zetazeo, krustazeo eta esparido itxurako puzgarri handiak ibiliko dira Bilboko kaleetan barrena, heldu eta txikiekin jolastuz musikaren erritmoan, eta artistek eta animaziozko ikuskizunek lagunduta.